इजरायली बस्तीमा बसोबास गर्ने मानिसले प्यालेस्टाइनको वेस्ट बैंकस्थित एउटा गाउँमा घर र कारमा आगजनी गरेका छन् । उक्त घटनामा एकजनाको मृत्यु भएको छ । एकजना घाइते छन् । घाइतेको छातीमा गम्भीर चोट लागेको प्यालेस्टाइनी स्वास्थ्य मन्त्रालयले जनाएको छ ।
आगजनी गर्ने इजरायली बस्तीका केही मानिसले मास्क लगाएका थिए । इजरायल डिफेन्स फोर्स (आईडीएफ)ले बिहीबार साँझ नाब्लस सहरनजिकैको जिट गाउँमा आक्रमण गर्ने मानिसले ढुंगा पनि प्रहार गरेको जनाएको छ ।
