डडेल्धुराको परशुराम नगरपालिकाको कार्यपालिका बैठकमै प्रमुख प्रशासकीय अधिकृतमाथि कुटपिट भएको छ । बजेट संशोधन गर्नेसहित १३ एजेन्डामाथि छलफल गर्न डाँकिएको बैठकमा कुटपिट भएको हो ।
बैठकमा आक्रोशित भएका सदस्यहरूले हलमा भएका कुर्सी तोडफोड गर्दै अधिकृत कृष्णदेव जोशीमाथि हातपात गरेको जिल्ला प्रहरी कार्यालय डडेल्धुराका प्रमुख प्रहरी नायव उपरीक्षक दीपक कुमार कार्कीले जानकारी दिए ।
घाइते प्रमुख प्रशासकीय अधिकृत जोशीको जोगबुढा अस्पतालमा उपचार भएको र उनको टाउकोमा तीनवटा टाँका लगाइएको जिल्ला प्रहरी कार्यालय डडेल्धुराले जानकारी दिएको छ ।
