प्रधानमन्त्री पुष्पकमल दाहाल ’प्रचण्ड’ले सोमबार प्रतिनिधिसभालाई सम्बोधन गर्ने भएका छन्।
प्रधानमन्त्री कार्यालयका सचिव गणेशप्रसाद पाण्डेयले संसद् सचिवालयलाई पत्र पठाएर सम्बोधनबारे जानकारी दिएका छन्।
प्रतिपक्षी दलले बालकुमारी घटनाको प्रतिवेदन, सहकारी/लघुवित्त/मिटरब्याजपीडितका समस्या र दुग्ध उत्पादक लगायतको आन्दोलनका विषयमा सरकारको जवाफ मागेर सदनमा अवरोध गरिरहेका छन्।
सभामुख देवराज घिमिरेको पटकपटकको रुलिङपछि प्रधानमन्त्रीले सांसदले उठाएको प्रश्नको जवाफ दिन लागेका हुन् ।
प्रतिनिधिसभाको बैठक बिहान ११ बजेका लागि बोलाइएको छ।
