अदालतलाई व्यवस्थित र सेवाग्राहीलाई सहज सेवा दिन भन्दै काठमाडौं जिल्ला अदालतले टोकन प्रणाली सुरुआत गरेको छ । अदालतले आज (सोमबार) बाट टोकन प्रणालीको सुरुआत गरेको हो ।
टोकन प्रणालीको सुरुआत गरेसँगै सञ्चारकर्मीसँग कुरा गर्दै काठमाडौं जिल्ला अदालत बार एसोसिएसनका अध्यक्ष अधिवक्ता रामचन्द्र पौडेलले अदालतमा आउने सेवाग्राहीले सेवा लिँदा भीड नहोस् भनेर टोकन प्रणालीको सुरुआत गरेको बताए ।
