आसन्न चीन भ्रमणका लागि प्रधानमन्त्री पुष्पकमल दाहाल प्रचण्डले पूर्व प्रधानमन्त्री लगायत विभिन्न दलका नेताहरूसँग सुझाव संकलन गरेका छन् । सिंहदरबारमा बोलाएर प्रधानमन्त्री प्रचण्डले सुझाव मागेका हुन् ।
सुझाव दिने क्रममा जनमत पार्टीका अध्यक्ष सिके राउतले कुनै पनि कार्यक्रममा सहभागी हुँदा आफ्नो हाउभाउ ख्याल राख्न आग्रह गरेका छन् । यस्तै उनले राष्ट्रलाई दीर्घकालमा असर पर्ने कुनै पनि निर्णय नगर्न भनेका छन् ।
हतारमा कुनै पनि काम नगर्न आग्रह गर्दै उनले भने, ‘पछि सच्याउनै नमिल्ने खालको गाह्रो काम, राष्ट्रका लागि पछि नराम्रो हुने काम नगर्नुहोला ।’
