चितवनका सर्जक सहन प्रधानको संगीतमा कवि भूपिनको रचनामा रहेको ‘मेरो मनको आकाशमा’ गीतको नयाँ ‘म्युजिक भिडियो’ सार्वजनिक भएको छ ।
केही वर्ष अगाडि रेकर्ड गरिएको गीतलाई रिबेल क्रिएसनले म्युजिक भिडियोसहित शुक्रबार सार्वजनिक गरेको हो ।
गीतमा चितवनका गायक गगन प्रधान र जमुना शर्माको स्वर रहेको छ । भिडियोमा निरञ्जन प्रधान र सोफी धरेलको अभिनय रहेको छ । सिनर्जी आइडल छानिएकी अनामिका मल्लले यो गीतमा सुरुमा गाएकी थिइन् । झण्डै आधा दर्जन गीत लेखेका भूपिनले यो गीत प्रेम भावमा लेखेका छन् । उनले नारायणी अनलाइनलाई भने, ‘नयाँ म्युजिक भिडियो आएकोमा खुसी लागेको छ । मलाई उपल्लो मनाङको ल्याण्डस्केपमा गरिएको सुटिङले मन छोएको छ ।’ उनले कविता मस्तिष्कप्रधान रहने र गीत ह्दयप्रधान रहने बताए ।
