नेपाल कपडा तथा सिलाई व्यवसायी संघ चितवनको अध्यक्षमा बाबुराम छिनाल चयन भएका छन् ।
संघको १६ औं वार्षिक साधारणसभा तथा १० औं अधिवेशनले छिनाललाई अध्यक्षमा चयन गरेको हो ।
जसको उपाध्यक्षमा रामबाबु पुडासैनी, सचिवमा सरोज विश्वकर्मा, कोषाध्यक्षमा नारायण गुइडेल, सहसचिवमा शङकर दर्नाल, सदस्यहरुमा अमृत छिनाल, सविन मथे, राधा शर्मा पौडेल, पार्वती जिशी, मुना सुवेदी, रमेश दर्नाल र सिर्जना श्रेष्ठ चयन भएका छन् । नवनिर्वाचित अध्यक्ष छिनाल अन्नपूर्ण सटिङ सुटिङका प्रमुख हुन् ।
संघका निवर्तमान अध्यक्ष सुधा पोखरेलको अध्यक्ष्यतामा भएको १६ औं वार्षिक साधारणसभा तथा १० औं अधिवेशनको उद्योग वाणिज्य संघ–चितवनका उपाध्यक्ष राजेन्द्र वलीले उद्घाटन गरेका थिए । अधिवेशनको उद्घाटन शत्रमा भरतपुर महानगरपालिका वडा नं. १ का वडाअध्यक्ष केशव महर्जनले साधारणसभाको सफलताको कामना गरेका थिए ।
