बाग्लुङको छिस्ती चितवन सम्पर्क समाजले भरतपुरमा गरेको रक्तदान कार्यक्रममा ३८ जनाले रक्तदान गरेका छन् ।
समाजका अध्यक्ष ज्ञानहरि पौडेलको अध्यक्षतामा भएको समाजको प्रथम वार्षिकोत्सवको अवसरमा शनिबार सो रक्तदान गरिएको हो । हरेक वर्ष चितवन र बाग्लुङमा विभिन्न समाज सेवाको कार्यक्रम गर्दै आएको समाजले जनाएको छ । छिस्तीबाट चितवन आउनेहरुलाई समस्या परेमा समाजले सहयोग गर्ने गरेको समाजका संरक्षक हरि आचार्यले नारायणी अनलाइनलाई जानकारी दिए ।
