सामाजिक संजालमा ‘नो नट अगेन’ अभियान चलेपछि त्यसलाई रोक्न निर्वाचन आयोगकले जारी गरेको सूचनाविरुद्ध सर्वोच्च अदालतमा रिट दायर भएको छ ।
वरिष्ठ अधिवक्ता दिनेश त्रिपाठीले सोमबार आयोगविरुद्ध सर्वोच्चमा रिट दायर गरेका हुन् । उनले आयोगले जारी गरेको सूचना खारेज हुनुपर्ने माग राख्दै रिट दायर गरेका हुन् ।
नागरिकको विचार तथा अभिव्यक्ति स्वतन्त्रता विरुद्ध आयोगले दूषित मनसायले सूचना जारी गरेको भन्दै त्यसलाई अन्तरिम आदेशमार्फत तत्काल निस्तेज बनाउन र खोज गर्न माग गरिएको त्रिपाठीले बताएका छन् ।
आयोगको सूचना अनुसार नो नट अगेन अभियानमा संलग्न हुनेमाथि एक लाख रुपैयाँ जरिवाना, विद्युतीय कारोवार ऐन अनुसार कारबाही वा अन्य कारबाहीको चेतावनी थियो ।
