पुरुष तर्फको १० हजार मिटर दौडमा त्रिभुवन आर्मी क्लबका दीपक अधिकारीले नयाँ राष्ट्रिय कीर्तिमानसहित स्वर्ण पदक जितेका छन् । आइतबार बिहान सम्पन्न दौडमा उनले सन् २०१४ को एसियन गेम्समा गोपीले बनाएको ३० मिनेट ३०.९९ सेकेण्डको कीर्तिमान ब्रेक गर्दै पदक जितेका हुन् । उनले निर्धारित दुरी ३० मिनेट १०.३० सेकेण्डमा पूरा गरेका थिए।
यसअघि कीर्तिमान राखेका गोपीले रजत जिते । उनले ३० मिनेट ३८.३२ सेकेण्डमा पूरा गरेका थिए । आर्मीका गजेन्द्र राईले निर्धारित दुरी ३० मिनेट ४९.५० सेकेण्डमा पूरा गर्दै कास्य जितेका छन् ।
