चितवन, असोज २६–
पृथ्वी राजमार्ग अन्तर्गत इच्छाकामना गाउँपालिका–३ मौवाखोला नजिक तरकारी बोकेको मिनि ट्रक अनियन्त्रित भएर त्रिशुलीमा खसेको छ । हिजो (मंगलबार) राती करिब ११ः४५ बजेको समयमा धादिङबाट मुग्लिङतर्फ आउदै गरेको प्र३–०१–००६ ख १३८२ नम्बरको मिनि ट्रक आफै अनियन्त्रित भई सडकबाट करिब ३० मिटर तल खसेर दुर्घटना भएको हो ।
ट्रक दुर्घटना हुँदा ट्रक चालक धादिङ बेनिघाट रोराङ गाउँपालिका–९ बस्ने वर्ष २६ को दिपेश तामाङ टाउकोमा चोट लगोको र उपचारको लागि भरतपुर ल्याइएको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।
ट्रकका सहचालक बेनिघाट रोराङ–८ बस्ने वर्ष २० को आकाश चेपाङलाई सामान्य चोट लागेको उनले बताए । उनको स्थानीय अस्पतालमा उपचार भइरहेको छ भने मिनि ट्रक घटनास्थलमा नै रहेको उनले बताए ।
