चारसद्दा जिल्लाको शबकदार सहरमा बस्ने पत्रकार इफ्तिखार अहमद खानको शनिबार राति अज्ञात आक्रमणकारीले गोली हानी हत्या गरेका छन् । खान विगत १७ वर्षदेखि एक्सप्रेस मिडिया समूहसँग आबद्ध थिए र एक्सप्रेस न्यूज टिभी च्यानल र उर्दू भाषाको दैनिक पत्रिका डेली एक्सप्रेसका लागि काम गरेका थिए।
अज्ञात आक्रमणकारीहरू विरुद्ध प्रहरीमा पहिलो सूचना रिपोर्ट (एफआईआर) दर्ता गर्ने उनका भाइ हजरत बिलालले खानको कसैसँग दुश्मनी नभएको बताए। प्रत्यक्षदर्शीका अनुसार खान इशाको नमाज पढेर मस्जिदबाट निस्कदै गर्दा अज्ञात आक्रमणकारीले गोली चलाउँदा उनको घटनास्थलमै मृत्यु भएको थियो । खानको दुई विधवा, चार छोरा र चार छोरी छन् । उनको आइतबार गृहनगरमा दाहसंस्कार गरिएको छ ।
