आज बी कम्पनीले भरतपुरमा सञ्चारकर्मीहरुसँग भेटघाट गरी चैत २५ र २६ गते कार्यक्रम हुन लागेको जनाएको हो ।
फेशन डिजाइनर तथा मोडलहरुलाई आफ्नो क्षमता प्रस्तुत गर्ने अवसर प्रदान गर्ने यसको मुख्य उद्देश्य रहेको छ । यसको सुरुवात सन् २०१८ मा भएको थियो ।
तीन वर्ष लामो समयको विश्रामपछि ग्ल्याम अप नेपाल–२०२२ आयोजना हुने भएको हो । विश्वभर महामारीको रुपमा फैलिएको कोभिड–१९ (कोरोना भाइरस) संक्रमणका कारण बीचको तीन वर्ष कार्यक्रम गर्न नसकेको बी कम्पनीका प्रमुख विमल पौडेलले बताए ।
अब हुने कार्यक्रम कमलनगर नारायणगढस्थित पर्व वेङ्क्वेटमा हुने प्रेस विज्ञप्ति मार्फत जानकारी दिइएको छ । डिजाइनरहरुको डिजाइनमा रन वे, वर्कशप तथा प्रदर्शनी हुने छ । जसमा ६० बढी सिक्वेन्स हुनेछन् । दुई हजार जनाले कार्यक्रमको अवलोकन गर्ने विश्वास बी कम्पनीको रहेको छ । जसमा चितवनसहित अन्य जिल्लाबाट समेत मोडलहरु सहभागी हुनेछन् ।
नेपालकै चर्चित फेशन डिजाइनर तेन्जिन भुटिया गेस्ट स्पिकरको रुपमा उपस्थित हुने जानकारी दिइएको छ । उनले चैत २५ गते सहभागी डिजाइनरहरुलाई फेशन डिजाइनिङ सम्बन्धी एडभान्स वर्कशप पनि दिने बताइएको छ । ग्ल्याम अप नेपाल–२०२२ मा उत्कृष्ट एक\एक डिजाइनर र मोडल गरी दुई जनालाई अवार्ड प्रदान गरिने छ । अहिलेसम्म यस प्रतियोगितामा ६० बढी डिजाइनरले सहभागिता जनाइसकेका छन् । ४५ जना मोडल रहेका छन् । यस कार्यक्रममा सहभागी हुन चाहने फेशन डिजाइनरलाई ३ देखि ७ हजारसम्म शुल्क तोकिएको छ ।
साथै यस कार्यक्रममा नेपालका केही चर्चित कलाकारहरुको समेत सहभागिता रहने जनाइएको छ । दोस्रो पटकको पत्रकार भेटघाटमा यस विषयको जानकारी दिने आयोजकको भनाइ छ । कार्यक्रममा सौन्दर्यसँग सम्बन्धित स्टलहरु पनि रहने जानकारी दिइएको छ ।
