चितवनमा पछिल्लो २४ घण्टामा १९० जनामा कोरोना संक्रमण पुष्टि भएको छ ।
स्वास्थ्य कार्यालय चितवनका अनुसार ४११ जनाको पिसियार र ९० जनाको एन्टिजेन परिक्षण गर्दा भरतपुर महानगरपालिकाका १३८ जना, खौरहनी नगरपालिकाका चार जना, माडी नगरपालिकाका तीन जना, रत्ननगर नगरपलिकाका ३२ जना, राप्ती नगरपालिकाका छ जना, कालिका नगरपालिकाका तीन जना र इच्छाकामना गाँउपालिकाका चार जना कोरोना संक्रमण पुष्टि भएको हो ।
त्यस्तै स्वास्थ्य कार्यलय चितवनकी जनस्वास्थय अधिकृत गीताञ्जली ढकालका अनुसार चितवनमा पिसियार परीक्षणबाट १५० र एन्टिजेन परीक्षणबाट ४० जन गरी १९० जनामा संक्रमण पुष्टि भएको छ ।
त्यस्तै हाल चितवनमा विभिन्न अस्पताको आइसोलेसनमा २६ जना र घरको आइसोलेसनमा ८०२ गरी ८२८ सक्रिय संक्रमित रहेका छन् ।
पछिल्लो समय चितवनमा कुनै संक्रमितको मृत्यु भएको छनै भने ६ जना संक्रमित संक्रमण मुक्त भएर घर फर्किएका छन् ।
