चितवनको इच्छाकामना गाउँपालिका–६ स्थित ३ नम्बर पुलबाट स्कार्पियो गाडी त्रिशुली नदीमा खसेको छ ।
आज साँझ ६ बजेको समयमा भएको दुर्घटनामा परी ७ जना घाइते भएका छन् । उनीहरुको घटनास्थलबाट उद्धार गरि अस्पतालतर्फ लगिएको जिल्ला प्रहरी कार्यालय चितवनका प्रहरी उपरीक्षक ओमप्रसाद अधिकारीले नारायणी अनलाइनलाई जानकारी दिए ।
नारायणगढबाट मुग्लिनतर्फ जाँदै गरेको बा १३ च ४३६५ नम्बरको स्कार्पियो सडकबाट ४० मिटर तल नदीमा खसेको थियो ।
स्कार्पियोमा चालकसहित ७ जना सवार थिए । घाइते मध्ये केहीको अवस्था गम्भिर रहेको प्रहरीले जनाएको छ ।
