नेकपा (एकीकृत समाजवादी)का अध्यक्ष माधवकुमार नेपाललाई कोरोना भाइरस संक्रमण पुष्टि भएको छ ।
मंगलबार आएको रिपोर्ट अनुसार अध्यक्ष नेपाललाई कोरोना संक्रमण पुष्टि भएको उनको सचिवालयले जानकारी दिएको छ । नेपालको स्वास्थ्य अवस्था सामान्य रहेको जनाईएको छ ।
कोरोना संक्रमण देशभर बढेको भन्दै सोमबार मात्रै नेता नेपालले एक अपिल जारी गर्दै पार्टीका बैठक तथा भेलाहरू गर्दा स्वास्थ्य मापदण्ड पूरा गरेर मात्रै गर्न निर्देशन दिएका थिए ।
