नेपाली कांग्रेसको इतिहासमा पहिलोपटक चितवन जिल्लाले धेरै केन्द्रीय सदस्य पाएको छ ।
काठमाडौंमा सम्पन्न १४औं महाधिवेशनबाट निर्वाचन लडेरै पाँच जना केन्द्रीय सदस्य बने भने थप एक केन्द्रीय सदस्य मनोनितबाट पाएको छ ।
सभापति शेरबदादुर देउवाले चितवनकी नेतृ उमा रेग्मीलाई केन्द्रीय सदस्यमा मनोनित गरेका हुन् । नेतृ रेग्मी हाल देउवा सरकारमै महिला, बालबालिका मन्त्री छन् । उनी नेपाल महिला संघकी केन्द्रीय अध्यक्ष समेत हुन् ।
यसअघि निर्वाचनबाट टेकप्रसाद गुरुङ, उमेश श्रेष्ठ, अञ्जनी श्रेष्ठ, दिनेश कोइराला र शान्ति परियार केन्द्रीय सदस्यमा निर्वाचित भएका थिए ।
