चितवनको इच्छाकामना गाउँपालिकामा आज विहान रात्रीबस दुर्घटना हुँदा ९ जना घाइते भएका छन् ।
पृथ्वीराजमार्गस्थित चुम्लिङटारमा काकडभित्ताबाट काडमाडौतर्फ जाँदै गरेको प्रदेश २–०३–००१ ख ०३३० नम्बरको बस विहान ४ः४५ बजे बस दुर्घटनामा परेको हो ।
दुर्घटनामा घाईते भएका मध्ये काठमाडौंको शंखरापुरा नगरपालिका–३ का ६५ वर्षीय रञ्जित तामाङको अवस्थामा गम्भिर रहेको चितवन प्रहरीले जनाएको छ । उनलाई थप उपचारका लागि काठमाडौं लगिएको चितवन प्रहरीले जनाएको छ ।
अन्य घाइतेहरुको स्थानीय अस्पतालमा उपचार भइरहेको छ ।
