चितवनमा विगत २४ घण्टामा ३४ जना कोरोना संक्रमित थपिएका छन् ।
स्वास्थ्य कार्यालय चितवनका अनुसार भरतपुर महानगरपालिकामा २९ जना, खैरहनी नगरपालिकामा एक जना, रत्ननगर नगरपालिकामा एक जना, राप्ती नगरपालिकामा एक जना र कालिका नगरपालिकामा दुई जना संक्रमित थपिएका हुन् ।
यो सँगै चितवनमा सक्रिय संक्रमितको संख्या ३८४ जना पुगेको छ । जसमध्ये ३५८ जना घरमा आइसोलेसनमा छन् भने अस्पतालको आइसोलेसनमा ३६ जना रहेका छन् । विगत २४ घण्टामा एक जनाको मृत्यु भएसँगै चितवनमा कोरोनाको कारणले ज्यान गुमाउनेहरुको संख्या ४२१ जना पुगेको छ ।
