नेपाली कांग्रेसको १४ औँ महाधिवेशन अन्तरगत आज चितवनका सात वटा स्थानीय तहमा निर्वाचन प्रक्रिया सुरु भएको छ ।
आज (शनिबार) मनोनयन पत्र दर्ता गर्दै निर्वाचन प्रक्रिया सुरु गरिएको हो । जसअन्तरगत पूर्वी चितवनको खैरहनी नगरपालिकाको सभापति दुई जनाले उम्मेद्वारी दर्ता गराएका छन् । मतदान अधिकृत प्रेमराज पौडेलका अनुसार वर्तमान सभापति शशी खनियाँ र गुणराज श्रेष्ठले सभापतिमा मनोनयन पत्र दर्ता गराएका छन् । उनले अन्य पदमा उम्मेद्वारी दिनेहरुको लिष्ट तयार गरिरहेको बताए ।
खैरहनीमा कुल ७२ पदमा निर्वाचि हुनेछन् । आज निर्वाचन प्रक्रिया लम्बिदै गए भोलि मात्रै मतदान हुने मतदान अधिकृत पौडेलले जानकारी दिए । खैरहनीमा कुल २९४ जना मतदाता रहेका छन् ।
