नारायणी सामुदायिक अस्पतालका अध्यक्ष भक्तमान श्रेष्ठको अपहरणमा संलग्न रहेका एक जना पक्राउ परेका छन् ।
केन्द्रीय अनुसन्धान ब्युरो (सीआईबी) को टोलीले अपहरितलाई राख्ने घरको व्यवस्थापन गर्ने कार्यमा एक अपहरणका योजनाकार भीमसेन पण्डितका छोरा राजेन्द्र पण्डितलाई नुवाकोटबाट पक्राउ गरेको हो ।
प्रहरीका अनुसार राजेन्द्र अपहरितलाई राख्ने घरको व्यवस्थापन गर्ने कार्यमा संलग्न थिए ।
अपहरणकारी रोहित पालिवाल र भीमसेनको समूहले ४ जेठ २०६७ मा अस्पतालबाट घर फर्किँदै गरेका श्रेष्ठको अपहरण गरेका थिए ।
त्यस्तै मोबाइल र सञ्चारका अन्य साधनबाट टाढा रहेका कारण प्रहरीले भिमसेनलाई पक्राउ गर्न सकेको छैन । रोहितलाई भने अपहरणमा फिरौतीवापत लिइएको १ करोड ८ लाख ५० हजार रुपैयाँ बिगो र त्यसबराबरको जरिवाना र १५ वर्ष कैद सजाय सुनाएको थियो ।
