अहिलेको सर्वाधिक चर्चामा रहेको मिलेनियम च्यालेन्ज कर्पोरेसन (एमसीसी)को बारेमा नेपाल सरकारले अमेरिकी सरकार समक्ष पठाएको प्रश्नको जवाफ पाएको छ ।
नेपाल सरकारले गत शुक्रबार अघि विवादित विषय बारे प्रश्न सोधेको थियो । सरकारले सोधेका विभिन्न ११ बुँदे प्रश्नहरुको जवाफ अमेरिकी सरकारले लिखित रुपमै फर्काएको छ।
नेपाल सरकारले पत्रमा एमसीसी अमेरिकाको ‘इन्डो–प्यासेफिक रणनीति’को अंग भए/नभएको र एमसीसी अमेरिकी सुरक्षा नीतिसँग जोडिएको/नजोडिएकोबारे स्पष्ट गर्न आग्रह गरेको थियो ।
एमसीसीको सम्झौता नेपालको कानुनको अधिनमा रहनेनहरने र संसदबाटै पास गर्नुपर्ने अनिवार्यताको आवश्यक्ताबारे पनि सोधिएको थियो । सरकारले एमसीसीलाई अघि बढाउन लागेको भन्दै जनस्तरमा चर्को विरोध भइरहेको छ ।
