Breaking News
चितवनमा कोरोनाबाट चितवनका चार र गोरखाको एक जनाको मृत्यु, थप ६१ जनामा संक्रमण
चितवन, भदौं १६-
चितवनमा कोरोना संक्रमणबाट विगत २४ घण्टामा पाँच जनाको मृत्यु भएको छ ।
स्वास्थ्य कार्यालय चितवनको तथ्यांक अनुसार भरतपुर अस्पतालमा तीन जना र चितवन मेडिकल कलेजमा दुई जनाको मृत्यु भएको हो । मृतकमध्ये चार जना चितवनका र एक जना गोरखाका हुन् ।
चितवनका विभिन्न अस्पतालमा कोरोनाका १०७ जना बिरामीले उपचार गराइरहेका छन् । जसमध्ये आईसीयूमा ३८ जना, भेन्टिलेटरमा १० जना, एचडीयूमा २८ जना र जेनरल बेडमा ४१ जना रहेका छन् । त्यस्तै विगत २४ घण्टामा चितवनका विभिन्न अस्पतालबाट ९ जना डिस्चार्ज भएका छन् ।
त्यसैगरी चितवनमा विगत २४ घण्टामा ६१ जना कोरोना संक्रमित थपिएका छन् । स्वास्थ्य कार्यालय चितवनको अनुसार भरतपुर महानगरपालिकामा ३५ जना, खैरहनी नगरपालिकामा दुई जना, रत्ननगर नगरपालिकामा १२ जना, कालिकामा एक जना र इच्छाकामनामा एक जना थपिएका हुन् ।
योसँगै चितवनमा सक्रिय संक्रमितको संख्या एक हजार २९१ जना रहेको छ । जसमध्ये घरमा आइसोलेसनमा एक हजार २१९ जना र अस्पतालको आइसोलेसनमा ७२ जना रहेका छन् ।