अर्थ
आई पे रेमिटले टिकटक च्यालेन्ज प्रतियोगिता गर्दै, कसरी हुने सहभागी ?
काठमाडौं भदौ १४ –
नारीहरुको विशेष चाड हरितालिका तीजलाई लक्षित गरी टिकटक च्यालेन्ज प्रतियोगिता हुने भएको छ । नेपालमा रेमिटेन्स् भित्र्याउने काम गर्दै आएको आई पे रेमिटले उक्त टिकटक च्यालेन्ज प्रतियोगिता आयोजना गरेको हो ।
आई पे रेमिटले सोमबार एक सूचना जारी गर्दै प्रतियोगितामा सहभागी हुन आह्वान गरेको छ । प्रतियोगितामा सहभागी हुने प्रतियोगीले आई पे रेमिटको तीज गीतमा आफ्नो टिकटक भिडियो बनाई अपलोड गर्नु पर्ने छ ।
प्रतियोगितामा सहभागीहरु मध्येबाट एक जनालाई लक्की ड्र मार्फत छनोट गरेर २० हजार रुपैयाँ दिइने रेमिटले जनाएको छ । यस्तै पाँच जनालाई लक्की ड्र मार्फत छनोट गरी ५०० रुपैयाँको टप अप दिइने छ । रेमिटका अनुसार सम्पूर्ण टिकटक भिडियोमध्ये सर्वाधिक लाईक आएको एक प्रतियोगिले १० हजार नगद पुरस्कार समेत पाउने छन् ।
आई पे रेमिटले गत वर्ष पनि यस्तै प्रतियोगिता सञ्चालन गरेको थियो । मलेसिया, जापानलगायत विश्वका विभिन्न मुलुकबाट रकम ल्याइरहेको आई पे रेमिटले रियल टाईम एकाउन्ट डिपोजिटको सुविधाको साथै देश भर छरिएर रहेका १२ हजारभन्दा बढी भुक्तानी काउन्टरबाट ग्राहकलाई सविधा दिँदै आएको छ ।