मौसम पूर्वानुमान महाशाखाले नेपालमा अझै केही दिन निरन्तर वर्षा भइरहने जनाएको छ ।
केही दिनदेखि जारी वर्षा अझै केही दिन नरोकिने महाशाखाले बताएको छ । महाशाखाका अनुसार मंगलबारसम्म निरन्तर वर्षा हुनेछ । आज पनि देशैभर विहानैदेखि वर्षा भइरहेको छ ।
प्रदेश १, प्रदेश २, बागमती, गण्डकी र लुम्बिनी प्रदेशमा हल्कादेखि मध्यम वर्षा भैरहेको महाशाखाले जनाएको छ ।
अविरल वर्षाका कारण साना ठूला खोला तथा नदीमा बाढीको सम्भावना बढेको छ भने पहाडी क्षेत्रमा पहिरोको जोखिम उतिकै रहेको छ ।
