काठमाडौं , भदौ ४ – आजदेखि चिनियाँ कम्पनीको भेरोसेल खोपको पहिलो मात्रा १८ वर्ष उमेर पूरा भएका विद्यार्थी र ४० वर्ष वा सोभन्दा माथि उमेर समूहका अन्य व्यक्तिलाई लगाइँदै छ ।
स्वास्थ्य कार्यालय काठमाडौंका प्रमुख बद्रीबहादुर खड्काले १८ वर्षभन्दा माथिका प्लस टु अध्ययनरत र विश्वविद्यालय तहको परीक्षाको प्रवेश पत्र लिएका विद्यार्थीहरुलाई कोरोना भाइरसविरुद्धको खोप दिइने बताए ।
