काठमाडौं, ३२ साउन
नेपाल सरकारले बेलायतमा जारी आमरण अनसन फिर्ता लिन भूतपूर्व ब्रिटिस गोर्खाहरुलाई आग्रह गरेको छ ।
सोमबार बसेको मन्त्रिपरिषद् बैठकले सम्बोधन हुन बाँकी समस्या कूटनीतिक माध्यमबाट समाधान गर्ने प्रतिवद्धता जनाउँदै अनसन फिर्ता लिन आग्रह गरेको थियो ।
कानूनमन्त्री ज्ञानेन्द्रबहादुर कार्कीले समस्या समाधान गर्नका लागि कूटनीतिक प्रक्रिया समेत अगाडि बढिसकेको बताउँदै अनसन लगायतका विरोध कार्यक्रम फिर्ता लिन भूतपूर्व ब्रिटिस गोर्खा सम्बन्ध सबैलाई आह्वान गरिएको बताए ।
