काठमाडौं, साउन ३१ नेपालमा पछिल्लो २४ घण्टामा २ हजार २१२ जनामा कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ८ हजार ८८ पीसीआर परीक्षण गर्दा १ हजार ७९३ जना र ४ हजार १८ एन्टिजेन परीक्षण गर्दा ४ सय १९ गरी २ हजार २१२ जनामा कोरोना भाइरसको संक्रमण देखिएको हो ।
यससँगै देशभर सक्रिय संक्रमितको संख्या ३९ हजार २९८ जना पुगेको छ । जसमध्ये ३५ हजार १८ जना होम आइसोलेसनमा रहेका छन् भने ४ हजार २८० जना संस्थागत आइसोलेसनमा रहेका छन् । कोरोनाका बिरामीमध्ये ७५८ जना आईसीयू र १९३ जना भेन्टिलेटरमा उपचाररत् छन् । हालसम्म नेपालमा कोरोना संक्रमितको कुल संख्या ७ लाख ३२ हजार ६९१ पुगेको छ ।
यस्तै पछिल्लो २४ घण्टामा ३३ जना संक्रमितको मृत्यु भएको छ । योसँगै नेपाल मृत्यु हुनेको संख्या १० हजार २९२ पुगेको छ
यस्तै पछिल्लो २४ घण्टामा १ हजार ८६७ जना निको भएका छन् । यससँगै नेपालमा हालसम्म ६ लाख ८२ हजार ६८२ जना निको भएका छन् ।
