चितवनको भरतपुर अस्पतालमा थप दुई जनाको मृत्यु भएको छ ।
आज (शनिबार) दिउँसो ३ः२० बजेको समयमा भरतपुर अस्पतालमा उपचाररत चितवनको भरतपुर महानगरपालिका–७, इन्द्रपुरी बस्ने ६७ वर्षीया महिलाको मृत्यु भएको अस्पतालले जनाएको छ । वैशाख २३ गते कोरोना पुष्टि भएका ती महिलाको सोही दिन अस्पताल भर्ना गरिएको थियो । उनलाई कोभिड आइसीयूमा राखेर उपचार थालिएको थियो ।
त्यस्तै शनिबार नै नवलपरासी बर्दघाट–२ का ६४ वर्षीय पुरुषको पनि मृत्यु भएको छ । कोभिड आइसीयूमा उपचाररत ती पुरुषको विहान ११ः५६ मा मृत्यु भएको भरतपुर अस्पतालले जनाएको छ । वैशाख १९ गते कोरोना संक्रमण पुष्टि भएका ती व्यक्ति हिजो मात्रै अस्पतालमा भर्ना भएका थिए ।
यसअघि आजै विहान नवलपुर गैंडाकोट–११ का ९४ वर्षका पुरुषको पनि कोरोना संक्रमणबाट मृत्यु भएको थियो ।
