चितवनको भरतपुर महानगरपालिकामा कोरोना भाइरस (कोभिड–१९) संक्रमणको दर ह्वात्तै बढेको छ ।
सोमबार दिउँसोसम्ममा भरतपुरमा मात्रै संक्रमितको संख्या एक हजार १३ पुगेको छ । पछिल्लो २४ घण्टामा १४२ जना संक्रमित थपिएसंगै भरतपुरमा संक्रमितको संख्या हजार नाघेको हो ।
संक्रमित मध्ये ९३८ जना होम आइसोलेसनमा छन् भने ७५ जना अस्पतालको आइसोलेसनमा उपचाररत छन् । महानगरमा हालसम्म संक्रमितको संख्या ६ हजार ८७ पुगेको छ भने ५ हजार संक्रमित निको भइसकेका छन् । ७४ जना संक्रमितको उपचारको क्रममा मृत्यु भएको छ ।
