चितवनमा बढ्दो कोरोना संक्रमण र निषेधाज्ञाको घोषणासँगै पत्रकार महासंघ चितवनले हेल्प डेस्क स्थापना गरेको छ ।
पत्रकार महासंघ चितवनले कोरोना महामारीको समयमा चितवनका पत्रकारहरुले केही समस्या परेमा तत्काल समाधानको लागि सो डेस्क स्थापना गरेको जनाएको छ । पत्रकार महासंघ चितवनका अध्यक्ष नारायण अधिकारीका अनुसार महासंघ सचिव दिपेन्द्र अधिकारीको संयोजकत्वमा गठित डेस्कमा सहसचिव उर्गेन तामाङ र विप्लव काफ्ले रहेका छन् ।
