पूर्वराज्यमन्त्री दिनेशचन्द्र यादवको निधन भएको छ । काठमाडौंमा ग्राण्डी अस्पतालमा उपचारको क्रममा यादवको बिहीबार बिहान निधन भएको हो । उनी भूमि व्यवस्थापन तथा सुकुमबासी समस्या समाधान आयोगका सदस्य पनि रहेका छन् ।
उनलाई यही पुस १२ गते कोरोना संक्रमण पुष्टि भएको थियो । भोलिपल्टै उनलाई उपचार गर्न लागि हेलिकोप्टरमार्फत काठमाडौं ल्याइएको थियो । मधुमेहबाटसमेत पीडित यादवको भेन्टिलेटरमा राखेर उपचार हुँदै आएको थियो ।
उनी नेकपा बाँकेको इञ्चार्ज सहित पूर्व खानेपानी तथा सरसफाइ राज्यमन्त्री र संविधानसभाका सदस्यसमेत थिए ।
