अवुधावी टि–१० लिगमा नेपाली युवा तीव्र गतिका बलर सोमपाल कामीले डेब्यु गरेका छन् । मराठा अरेवियन्सको प्रतिनिधित्व गर्दै सोमपालले लिगमा डेब्यु गरेका हुन् । टस जितेर फिल्डिङ रोजेको अरेवियन्सबाट सोमपालले ओपनिङ बलिङ गर्दै प्रतियोगितामा मध्यम सुरुवात गरेका छन् ।
सोमपालले २ ओभरमा २८ रन खर्चिएर विकेट विहिन रहे । इनिङको पहिलो ओभर गरेका सोमपालले मात्र ८ रन खर्चिए । उनले पहिलो ओभरमा एक छक्का र दुई रन मात्रै खर्चिए । क्याच ड्रप हुँदा पहिलो ओभरमै विकेट लिनबाट सोमपाल बन्चित भएका थिए ।
इनिङको अन्तिम ओभरमा आफ्नो दोस्रो ओभर बलिङ गरेका सोमपालले २० रन खर्चिए । जसमा दुई चौका र एक छक्का प्रहार भयो । यस प्रतियोगितामा नेपालबाट चार खेलाडीले प्रतिनिधित्व गर्दैछन् ।
