चितवनमा थप एक जना कोरोना भाइरस (कोभिड–१९) संक्रमित पुरुषको मृत्यु भएको छ ।
भरतपुरस्थित श्रीपुष्पाञ्जली अस्पतालमा उपचाररत भरतपुर महानगरपालिका–२१ का ५९ वर्षीय पुरुषको गयराति १० बजे मृत्यु भएको हो ।
निमोनिया, सुगर र उच्च रक्तचाप भइ कार्तिक ८ गते ती पुरुष अस्पताल भर्ना भएका थिए । उनमा कार्तिक १४ मा कोरोना संक्रमण पुष्टि भएको थियो । कोभिड आइसीयूमा उपचारको क्रममा उनको निधन भएको अस्पतालले जनाएको छ ।
