चितवन, कात्तिक १-

खैरहनी नगरपालिका–१२ का वडा सदस्य बद्रीबहादुर पाण्डेको निधनको शोकमा खैरहनी नगरपालिकाको सबै सेवा भोलि एक दिनलाई बन्द गरिएको छ ।

खैरहनी नगरपालिकाले शनिबार एक सूचना सार्वजनिक गर्दै नगरपालिकाको सबै वडा कार्यालयहरुमा बाट प्रवाह हुने सेवा भोलि एक दिनको लागि बन्द गरिएको जनाइएको छ । त्यसैगरी सूचनामा नगरपालिकालगायतका कार्यालयहरुमा तीन दिनसम्म राष्ट्रिय झण्डा आधा झुकाउने र शोक पुस्तिका राख्ने पनि जनाएको छ । सूचनामा नगरपालिका परिवारको एक सदस्यलाई अल्पायुमा नै गुमाउनु पर्दा नगरपालिका परिवार शोकमा डुबेको उल्लेख छ ।