पर्साको नारायणी अस्पतालमा ४४३ स्वाबको पीसीआर परीक्षण गर्दा ५० जनामा कोरोना संक्रमण पुष्टि भएको छ।
संक्रमण देखिनेमा १५ वर्षका किशोरदेखि ५६ वर्षसम्मका ४५ जना पुरुष र पाँचजना महिला रहेका छन् । संक्रमण देखिनेमा पर्साका ३१ जना छन् ।
जसमध्ये पोखरिया नगरपालिकाका १० र कालिकामाई गाउँपालिकाका तीनजना छन्। यस्तै बाराका ८ जना, धनुषाका ४, महोत्तरीका ३, रौतहटका एक, सर्लाहीका २ र काठमाडौँका एकजनामा कोरोना संक्रमण देखिएको छ।रासस
