जिल्ला प्रशासन कार्यालय चितवनले विना स्वीकृति रेष्टुरेन्ट तथा होटलहरु संचालन नगर्न निर्देशन दिएको छ ।
आज (मंगलबार) एक सूचना जारी गदैै विना स्वीकृति रेष्टुरेन्ट तथा होटलहरु संचालन गरेको पाईएमा संक्रामक रोग ऐन २०२० बमोजिम कारवाही गर्ने चेतावनी समेत दिएको छ ।
सहायक प्रमुख जिल्ला अधिकारी नेत्रप्रसाद शर्माद्धारा हस्ताक्षरित सार्वजनिक सूचनामा रेष्टुरेन्टबाट टेक अवे सेवा दिन र होटलहरुले क्वारेन्टिन सेवा दिन जिल्ला प्रशासन कार्यालयबाट पूर्व स्वीकृति लिएर मात्र संचालन गर्न पाइने व्यवस्था रहेको उल्लेख छ ।
