चितवन, जेठ १५–

छिमेकी जिल्लाहरुमा कोरोना संक्रमितको संख्या बढ्दै गएपछि चितवनको नाकाहरुमा कडाई गर्न थालिएको छ ।

गण्डकी प्रदेशसंग जोडिएको नाका नारायणी पुलमा आज (बिहीबार) चेकजाँचमा कडाई गरिएको छ । नवलपुरबाट चितवन आउने सबैलाई नारायणी पुलबाट फिर्ता पठाउन थालिएको छ ।

आज हस्पिटल जाने कर्मचारी, बिरामीलाई बाहेक अन्य कसैलाई पनि प्रवेश गर्न नदिएको वडा प्रहरी कार्यालय नारायणगढका प्रमुख रिवनबाबु रेग्मीले जानकारी दिए ।

आज बैंकका कर्मचारीदेखि हिडेर जाने सबैलाई रोक लगाइएको छ ।