अमेरिकामा पेट्रोलियम पदार्थको मूल्य पहिलो पटक ऋणात्मक भएको छ ।
लकडाउनले सवारी साधन र उद्योग धन्दा ठप्प हुँदा पेट्रोलियम पदार्थको खपत नभएपछि उत्पादकहरुले भण्डारण क्षमता कायमै राख्नका लागि क्रेतालाई भुक्तानी दिन थालेको बीबीसीले जनाएको छ ।
भण्डारण क्षमता आउँदो मे सम्ममा समाप्त हुने भएका कारण उत्पादकले तेल खरिदवापत क्रेतालाई नै पैसा तिर्न थालेका हुन् ।
तेलको माग अत्यन्तै कम भएपछि उत्पादकहरुले ट्यांकरहरु भाडामा लिएर तेल भण्डारण गर्न थालेका छन् । जसका कारण अमेरिकी बजारमा तेलको मूल्य ऋणात्मक भएको हो ।
अमेरिकामा तेलको मूल्य निर्धारण गर्ने वेस्ट टेक्सस इन्टरमिडिएट (डब्लुटीआई) मा तेलको मूल्य माइनस ३७.६३ अमेरिकी डलर प्रति ब्यारेल पुगेको छ ।
सोमवार तेलको मूल्यमा गिरावट देखिनुमा विश्व तेल बजारको प्राविधिक पक्षको पनि भूमिका रहेको विश्लेषण गरिएको छ।
