गोरखाको आरुघाट गाउँपालिकामा एक जनालाई कोरोना संक्रमण देखिएको छ । र्यापिड डाइग्नस्टिक टेस्ट (आरडिटी) मा एक युवालाई कोरोना पोजेटिभ देखिएको जिल्ला जनस्वास्थ्य कार्यालय गोरखाले पुष्टि गरेको हो ।
आरडीटी परीक्षणका क्रममा मंगलबार धादिङको ज्वालामुखी गाउँपालिकाका युवकमा एन्टिबडी पोजेटिभ देखिएको थियो । त्यसपछि उनलाई आइसोलेसनमा ल्याउन गाउँपालिकाले एम्बुलेन्सको व्यवस्थापन गर्न शुरु गरेको थियो ।
तर, गाउँपालिकामा रहेको एम्बुलेन्सका चालक कोरोना संक्रमितलाई बोक्नुपर्ने भन्दै बेपत्ता भए । पछि गाउँपालिकाले नै संक्रमणको संकेत देखिएका युवालाई मोटरसाइकल उपलब्ध गराएको थियो ।
उनी गाउँपालिकाले नै उपलब्ध गराएको मोटरसाइकल चलाएर धादिङ बेशीमा रहेको कृषि ज्ञान केन्द्रमा बनाइएको अस्थायी आइसोलेसनमा आइपुगेका हुन् ।
आरडिटीमा कोरोना पोजेटिभ देखिने युवकको स्वास्थ्य अवस्था अहिले सामान्य छ ।
