लण्डनमा कोरोना भाइरसबाट संक्रमित भएका १३ वर्षका बालकको मृत्यु भएको छ। दक्षिणी लण्डनको ब्रिक्सटनका १३ वर्षे इस्माइल मोहमम्द अब्दुल्वाहबको कोरोना भाइरसबाट संक्रमित भएपछि मृत्यु भएको लण्डन हस्पिटल ट्रस्टले बताएको छ । उनको किङ्गस कलेज हस्पिटलमा सोमबार बिहानै मृत्यु भएको हो ।
उनी कोरोना भाइरसको संक्रमणका कारण बेलायतमा मृत्यु हुने मध्ये सबैभन्दा कम उमेरका व्यक्ति रहेको बताइन्छ । बेलायतमा अहिलेसम्म कोरोना भाइरसका कारण १७ सय ८९ जनाको मृत्यु भएको छ । संक्रमितको संख्या बेलायतमा २५ हजार १५० पुगेको छ ।
मृत्यु भएका बालकको परिवारले उनमा कुनै पनि गम्भीर स्वास्थ्य समस्या नरहेको बताएका छन् ।
