विश्वभर फैलिएको कोरोनाको त्रास नेपालमा पनि बढेपछि चितवनमा उच्च शतर्कता अपनाइएको छ । जिल्ला प्रशासन कार्यालय चितवनले आज (मंगलबार) एक सूचना जारी गर्दै जात्रा–पर्व र मेला महोत्सव नगर्न नगराउन आग्रह गरेको छ ।
साहायक प्रमुख जिल्ला अधिकारी नेत्र प्रसाद शर्माले सूचना जारी गर्दै स–साना पारिवारिक भेटघाट बाहेकका अन्य जमघट नगर्न आग्रह गर्नुभएको छ । प्रशासनको निर्देशन अवज्ञा गरे कडा कारवाही गरिने विज्ञप्तीमा उल्लेख गरिएको छ ।
