सुनसरीको इनरुवामा हुन लागेको एकदिवसीय मनमोहन मेमोरियल (एमएम) कप क्रिकेट प्रतियोगितामा सहभागिता जनाउने प्रदेश नं.३ को क्रिकेट टोलीलाई जस्मिन पेन्ट्सले सहयोग गरेको छ ।
चितवनमा रहेको पेन्ट्सले प्रदेश ३ का खेलाडीहरुका लागि ट्राभल जर्सीको रुपमा पोषाक प्रदान गरेको हो । पेन्ट्सका निर्देशक मधुसुदन अर्यालले प्रदेश नं.३ का टोलीका व्यवस्थापक एवंम सहायक प्रशिक्षक अनिल अधिकारीलाई आज सो ट्राभल जर्सी हस्तान्तरण गरे ।
सो क्रममा बोल्दै निर्देशक अर्यालले प्रदेश ३ को टोली सेमीफाइनल यात्रा तय गरे सबै खेलाडीलाई ज्याकेट प्रदान गर्ने प्रतिवद्धता जनाए । उनले नेपालले क्रिकेटमा गरिरहेको प्रगतिले देशको शिर उचो बनाएकोले क्रिकेटको विकासका लागि जस्मिन पेन्ट्सले सहयोग गरिरहने बताए ।
यस्तै प्रदेश ३ क्रिकेट टोलीका व्यवस्थापक एवंम सहायक प्रशिक्षक अधिकारीले छोटो समयमा जस्मिन पेन्ट्सले गरेको सहयोगले खेलाडीहरुमा उर्जा थपेको बताए । उनले आगामि दिनमा पनि यसैगरि क्रिकेटलाई सहयोग गर्न आग्रह गरे ।
सुवास खकुरेलको कप्तानीमा प्रदेश ३ को टोली घोषणा गरिएको छ । प्रदेश ३ ले पहिलो खेल यही पुस १८ गते खेल्दैछ ।
