अबुधावीमा जारी टि–१० क्रिकेट अन्तरगत बंगला टाइगर्सविरुद्धको खेलमा नेपाली युवा स्टार सन्दीप लामिछानेले उत्कृष्ट प्रदर्शन गरेका छन् । तर उनको टिम कर्नाटाका टस्करर्स भने पराजित भएको छ । कर्नाटाकाले दिएको ११५ रनको लक्ष्य बंगला टाइगर्सले ७ बल बाँकी छदै पुरा ग¥यो । बंगला टाइगर्सको महत्वपूर्ण २ विकेट सन्दीपले लिएका थिए । तर अन्य बलर महंगो सावित हुँदा टिम पराजित हुन पुग्यो ।
सन्दीपले २ ओभरमा मात्र ९ रन खर्चिएर महत्वपूर्ण २ विकेट लिए ।
सन्दीपले टिमलाई पहिलो सफलता दिलाउने क्रममा आफ्नो पहिलो ओभरको दोस्रो बलमै विष्फोटक व्याटिङ गरिरहेका आन्द्रे फ्लेचरलाई आउट पारे । आन्द्रेले १५ बलमा ४० रन बनाए । पहिलो ओभरमा सन्दीपले १ विकेटका साथमा मात्र ५ रन दिएका थिए । आफ्नो दोस्रो ओभरमा सन्दीपले मात्र ४ रन दिए भने महत्वपूर्ण अर्को एक विकेट लिए । सन्दीपको दोस्रो ओभरको पाँचौ बलमा रन आउट र छैठौं बलमा परेरालाई आउट पारे । आजको खेलसंगै सन्दीप ३ विकेटका साथ प्रतियोगिताको सर्वाधिक विकेट लिने खेलाडीको टप ५ भित्र अटाएका छन् ।
