सत्तारूढ नेपाल कम्युनिष्ट पार्टी (नेकपा) को जनसङ्गठन राष्ट्रिय युवा सङ्घ नेपालले एकतापछिको केन्द्रीय समितिलाई पूर्णता दिएको छ ।
साबिकको युवा सङ्घ र वाइसिएल नेपालबाट सहमति र भागबण्डाका आधारमा ३३५ सदस्यीय केन्द्रीय कमिटीमध्ये ३३२ सदस्यलाई पूर्णता दिएको हो । सङ्गठनका संयोजक रामप्रसाद सापकोटा र सहसंयोजक रमेश पौडेलद्वारा आज जारी विज्ञप्तिमा पारित केन्द्रीय कमिटीको पहिलो बैठक आगामी कात्तिक १८ र १९ गते काठमाडौँमा आयोजना गरिएको छ । यसैगरी कात्तिक २० र २१ गते सङ्घले राष्ट्रिय भेलाको आयोजना गरेको छ ।
संघको केन्द्रीय सदस्यमा चितवनबाट चार जना चयन भएका छन् । जना अन्तरगत तीन जना पूर्व वासिएल र एक जना पूर्व युवा संघका रहेका छन् । वासिएलबाट केन्द्रीय सदस्य हुनेमा सन्तोष पनेरु, साजन अधिकारी र दिवस पाण्डे रहेका छन् भने युवा संघबाट प्रताप डल्लाकोटी चयन भएका छन् ।
