काठमाडौँ, साउन १२ –

आन्दोलनरत लघुवित्तपीडित बालुवाटारनजिक पुगेर प्रदर्शन गरेका छन् ।

उनीहरु माइतीघरबाट ‘राजधानी मार्च’को ब्यानरसहित प्रदर्शन गर्दै निषेधित क्षेत्र बालुवाटार पुगेका हुन् ।

बालुवाटारमा लघुवित्तको नियामक निकाय नेपाल राष्ट्र बैंकको केन्द्रीय कार्यालय छ ।

राष्ट्र बैंकतर्फ अगाडि बढेका प्रदर्शनकारीलाई बालुवाटारको पीपलबोटमा प्रहरीले ब्यारिकेड राखेर रोकेको छ ।

सशस्त्र प्रहरीसमेत परिचालन गरेर उनीहरुलाई अघि बढ्न दिइएको छैन । उनीहरू सडकमै बसेर नाराबाजीका साथै सभाको आयोजना गरेका छन् ।

तस्बिरः नेपाल फोटो लाइब्रेरी