काठमाडौँ, पुस ३०–

काठमाडौँमा जारी नेपाली कांग्रेसको दोस्रो विशेष महाधिवेशनमा अहिले मनोनयन दर्ताको क्रम चलिरहेको छ ।

सभापतिमा गगन थापाले उम्मेदवारी दर्ता गराएका छन् भने दुई जना महामन्त्रीका लागि विश्वप्रकाश शर्मा र प्रदीप पौडेलले उम्मेदवारी दर्ता गराएका छन् ।

आज (बुधबार) बिहान सहमतिका लागि सभापति शेरबहादुर देउवासँग थापा र शर्माले वार्ता गरेपनि सफल नभएपछि विशेष महाधिवेशनमा निर्वाचन प्रक्रिया अघि बढाईएको हो ।

निर्वाचन समिति संयोजक सीताराम केसीका अनुसार दिउँसो १ बजे नामावली सार्वजनिक गरिने छ ।