नारायणगढ–मुग्लिन सडक खण्ड अन्तरगत चितवनको भरतपुर महानगरपालिका–२९ सिमलतालमा स्कारपियोसंग ठोक्किएर माइक्रो सडकमा पल्टिदा दुई जना घाइते भएका छन् ।
आज (सोमबार) दिउँसो ३ः१५ बजेको समयमा काठमाडौँबाट नारायणगढतर्फ आउँदै गरेको बा २ ख ८३७२ नम्बरको माइक्रो र विपरीत दिशाबाट आउँदै गरेको बीएई ३४९८ नम्बरको स्कारपियो ठोक्किदा माइक्रो सडकमा पल्टिएको थियो । दुर्घटनामा दुई जना सामान्य घाइते भएका छन् । घाइते हुनेमा कास्कीको पोखरा महानगरपालिका–१० बस्ने ५६ की पुनमाया गुरुङ र सोही ठाउँ बस्ने २३ की सुनिता गुरुङ रहेका छन् ।
उनीहरुको भरतपुरमा उपचार भइरहेको छ । दुर्घटनाले केही बेर सडक अवरुद्ध बनेको थियो । दुवै सवारी साधनका चालकहरु प्रहरी सम्पर्कमा रहेका छन् ।
