जय ट्रफी एलिट कप २०८१ को फाइनल खेलअन्तर्गत पहिलो दिनको खेल सकिँदा त्रिभुवन आर्मी क्लबविरूद्ध नेपाल पुलिस क्लबले बलियो सुरूवात गरेको छ ।
वीरगञ्जस्थित नारायणी क्रिकेट मैदानमा खराब मौसमका कारण ढिला गरी भएको सुरू भएको खेलमा टस हारेर पहिले ब्याटिङ गरेको पुलिसले पहिलो दिनको समाप्तिमा १७ ओभरमा २ विकेट गुमाएर ८५ रन बनाएको छ ।
पुलिसका लागि ओपनर कुशल भुर्तेल अर्धशतक बनाएर खेलिरहेका छन् । उनी ५० रनमा अविजित छन् । त्यस्तै अर्जुन साउद पनि क्रिजमा छन् । त्यसअघि अमित श्रेष्ठले २० रन बनाएर आउट भएका थिए ।
आर्मीका सोमपाल कामी र साहब आलमले १-१ विकेट लिएका छन् ।
