डा.अजय डा.सरु फाउण्डेशन र साइराम डेन्टल केयरले ‘सिल चितवन’ अभियान सुरु गरेको छ । निम्न माध्यमिक र मन्टेश्वरी अध्ययनरत विद्यार्थीलाई लक्षित गरेर ‘सिल चितवन’ अभियान सुरु गरिएको छ ।
रोग लागेर उपचार गर्नुभन्दा समयमै रोकथाम गर्नुपर्छ भन्ने उद्देश्यले यो अभियान भरतपुर महानगरपालिका वडा नम्बर १२ मुनालचोकस्थित किड्स व्लर्ड मन्टेश्वरीबाट सुरुवात गरिएको हो । दन्त चिकित्सक दम्पती डा. अजय न्यौपाने र डा.सरु थापा मन्टेश्वरीमा पुगेर बालबालिकाहरुको दन्त परीक्षण गरेका थिए ।
यस सिल चितवन कार्यक्रम चितवनका सरकारी, गैर सरकारी, निम्न माध्यमिक विद्यालय र मन्टेश्वरीमा गरिने डा.अजय न्यौपानेले जानकारी दिए । ‘यो अभियानको सुरुवात भएको छ, हामी चितवनका सबै ठाउँमा पुग्ने कोशिस गर्नेछौं, यो अभियानमा सामेल हुनुहुने साईराम डेन्टलमा कार्यरत डा. रोबिन्स ढकाल, डा.चिरंजीवी पटेल, डा. सुशीला अर्याल र सम्पूर्ण प्राविधिक टिमलाई विशेष धन्यवाद दिन चाहन्छौ।’
किड्स वर्ल्ड मन्टेश्वरीका प्रबन्धक निर्देशक निरु खतिवडाले यो अभियानले बच्चाहरुको दाँतको परीक्षण समयमै गराउन पाएकोमा साइराइम डेन्टल र फाउण्डेशनलाई धन्यवाद ज्ञापन गरिन् । कार्यक्रममा मन्टेश्वरीकी प्राचार्य सावित्री सुवेदी खनाल, लेखा अधिकृत बागमती श्रेष्ठलगायतको उपस्थिति रहेको िथयो ।
के हो सिल चितवन ?
निम्न माध्यमिक र मन्टेश्वरीमा (प्रि–स्कुल) अध्ययनरत विद्यार्थीको दाँतको बाहिरी पत्र (इनामेल)मा टाँसिने एक प्रकारको पदार्थ हो। दन्त सिलेन्ट जसले दाँतलाई सिल गर्छ। दाँतमा सिल गर्नाले दाँत किराले खाने समस्या मुखको दुखाईबाट बचाउँछ र लामो समयसम्म यसले दाँतलाई बलियो बनाउन मद्दत गर्छ। अनुसन्धानले देखाएको छ कि दाँतमा सिल गरिएको बालबालिकाहरूमा ६० प्रतिशतले दन्त किराले खाने समस्या कम भएको छ।
किन सिल चितवन आवश्यकता छ ?
अहिले नेपालमा सरकारी र गैरसरकारी विद्यालयमा अध्ययनरत २ वर्षदेखि ६ वर्ष उमेरका बालबालिकामा दाँत किराले खाने समस्या व्यापक छ । यस्तो हुनुको मुख्य कारणहरू निम्न छन् ।
१) अनिवार्य दिनमा दुईपटक फ्लोराइड युक्त पेस्टले दाँत सफा नगर्नु।
२) दाँतमा टाँसिने र गुलियो खानेकुरा बढी खानु जस्तै चकलेट चाउचाउ इत्यादि
३) सबैको पहुँचमा दन्त उपचारात्मक सेवा उपलब्ध नहुनु
४) भएको खण्डमा पनि ६–६ महिनामा दन्त परीक्षण नगराउनु।
यदि यस्ता समूहका बालबालिकालाई उनीहरू अध्ययनरत विद्यालयमा गएर डेन्टल सिलेन्ट लगाइदिँदा किराले खाने समस्या ६० प्रतिशतले घटेको कम्बोडियाले गरेर देखाएको छ।
डेन्टलको रोकथामक उपचार उपचारात्मक उपचारको तुलनामा सस्तो, सरल र सजिलो छ। डेन्टल सिलेन्ट समयमै २–६ वर्षका बालबालिकाको स्थायी पहिलो बङ्गारा र अस्थायी बङ्गारा लगाउन सकियो भने भविष्यमा दाँत किराले खाने, पीडा हुने, मुख सुनिने समस्या नहुने औषधिको प्रयोग गर्नै नपर्ने, उपचारात्मक उपचार गर्न नपर्ने, जुन खर्च र समय लाग्ने दाँत किरा लागेको बालबालिकाले राम्रोसँग पोसिलो खानेकुरा खान नसक्दा उनीहरूको मानसिक र शारीरिक विकासमा पनि प्रत्यक्ष र अप्रत्यक्ष समस्या भएको अनुसन्धानले देखाएको छ।
त्यसैले सुरुकै अवस्थामा दन्त सिलेन्ट गर्न सकियो भने यस्ता समस्यालाई निकै हदसम्म न्यूनीकरण गर्न सकिन्छ।
